राइनास नगरपालिकाको गाडी दुर्घटना, नगरप्रमुखसहित चार जना घाइते
हाम्रा कुरा
प्रकाशित २०७९ माघ २१ शनिबार
577
Shares
पोखरा । लमजुङको राइनास नगरपालिकाको गाडी दुर्घटना हुँदा नगर प्रमुखसहित चार जना घाइते भएका छन् ।
गएराति ८ बजे काठमाडौंबाट लमजुङ आउँदै गर्दा पृथ्वी राजमार्गअन्तर्गत धादिङको आदमघाटमा गाडी दुर्घटना भएको हो ।
विपरीत दिशाबाट आएको मोटरसाइकललाई जोगाउन खोज्दा ग१झ ४२३ नम्बरको गाडी सडक छेउमा पल्टिएको प्रहरीले जनाएको छ ।
दुर्घटनामा नगरप्रमुख खड्गबहादुर गुरुङ, प्रमुख प्रशासकीय अधिकृत गोकर्णराज सुँयल, प्रमुख गुरुङका स्वकीय सचिव बालसिंह गुरुङ र चालक जीवन ओलिया घाइते भएका हुन् ।
नगरपालिका उपप्रमुख पुष्पराज खनालका अनुसार दुर्घटनापछि चार जनालाई उद्धार गरेर राति नै काठमाडौं ट्रमा सेन्टरमा लगिएको थियो ।
उपचारपछि सबै अस्पतालबाट फिर्ता भएको र उनीहरुको अवस्था सामान्य रहेको बताइन्छ ।
उनीहरु काठमाडौमा नगरपालिकाको काम सकेर फर्किदै गरेका थिए ।
