-
-
-
-
काठमाडौं । प्रधानमन्त्री पुष्पकमल दाहाल प्रचण्डले गृह मन्त्रालय नदिने भएपछि राष्ट्रिय स्वतन्त्र पार्टीको बैठक आज पनि बस्ने भएको छ ।
हिजोको बैठक निष्कर्षमा पुग्न नसकेपछि आज साढे ११ बजे पार्टी कार्यालयमा बैठक बोलाइएको छ ।
रास्वपाले गृह मन्त्रालयबारे निर्णय गर्न प्रधानमन्त्री प्रचण्डलाई शनिबार सम्मको समय दिएको थियो ।
तर प्रधानमन्त्री प्रचण्डले रास्वपालाई गृह मन्त्रालयको सट्टा भौतिक पूर्वाधार तथा यातायात मन्त्रालय दिने प्रस्ताव गरेका छन् ।
रास्वपाका सभापति रवि लामिछानेले आफूलाई गृहमन्त्री नै बनाउनु पर्ने दाबी गर्दै आएका छन् ।
सोही विषयमा बैठकले निर्णय गर्नेछ ।
यता माओवादीले गृह मन्त्रालय आफै राख्ने मनसायमा छ । पार्टीका वरिष्ठ उपाध्यक्ष नारायणकाजी श्रेष्ठलाई गृह दिने विचारमा प्रधानमन्त्री रहेका छन् ।
