-
-
-
-
घर जस्तो होस्
त्यसको एउटा कुनामा
मन खोलेर हाँस्ने ठाउँ राख्नुस्
सूर्य जति टाढा भए पनि
त्यसलाई घरभित्र छिर्ने बाटो दिनुस्
कहिलेकाहिँ छतमा उक्लिएर
तारा अवश्य गन्नुस्
सक्नुहुन्छ भने हातले
चन्द्रमा छुने प्रयास गर्नुस्
मान्छेहरू चाहिन्छन् भने
घरनजिक छिमेक अवश्य राख्नुहोस्
बर्खामा भिज्न दिनुस्
खेल्न दिनुस्
सक्नुहुन्छ भने बच्चाहरूलाई
एउटा कागजको डुंगा बनाएर दिनुस्
फुर्सद छ, आकाश सफा छ भने
चंगा उडाउनुस्
साथीहरूसँग चंगा चैट गर्नुस्
घरअगाडि एउटा रूख राख्नुस्
त्यसमा बसेका चराको
चिरबिर अवश्य सुन्नुस्
घर जस्तोसुकै भए पनि
त्यसको एउटा कुनामा
दिल खोलेर हाँस्ने ठाउँ राख्नुस्
जहाँ गए पनि
मीठो हलचल मच्चाउनुस्
उमेरको हरेक अवस्था आनन्ददायक छ
आफ्नो उमेरको मजा लिनुस्
हाँसिराख्नुस्
अनुहारमा निराशा किन
समय त बितिरहेको नै छ
भर्सेला परोस् उमेर सुमेर । (हिन्दी कविताबाट अनुवाद)
(भारतीय पूर्व प्रधानमन्त्री बाजपेयीको जीवन अत्यन्त सरल थियो ।)
