-
-
-
-
भक्तपुर । भक्तपुरका सवारी दुर्घटना हुँदा एक महिलाको मृत्यु भएको छ ।
मृत्यु हुनेमा धनकुटा खोलीखर्क गाउँपालिका वडा नं. ७ घर भई हाल चाँगुनारायण नगरपालिका वडा नं. २ झौखेल बस्ने ३९ वर्षीया ओमकुमारी श्रेष्ठ रहेकी छन् ।
काभ्रेको बनेपाबाट भक्तपुरको जगातीतर्फ आउँदै गरेको बा४ख ८९१२ नं को बसलाई सोही दिशाबाट आउँदै गरेको बा९९ प ३४८५ नं को स्कूटीले ओभरटेक गर्ने क्रममा बसमा ठोक्किएर दुर्घटना भएको प्रहरीले जनाएको छ ।
दुर्घटनामा गम्भीर घाइते भएकी श्रेष्ठको उपचारका क्रममा अस्पतालमा मृत्यु भएको प्रहरी निरीक्षक लोकबहादुर जिसीले जानकारी दिए ।
दुर्घटनाका सवारी साधन र बस चालक भक्तपुर जिल्ला भक्तपुर नगरपालिका-२ ईताछे बस्ने ४१ वर्षीय दयाराम देशेमरुलाई नियन्त्रणमा लिएर अनुसन्धान गरिरहेको प्रहरीले जानकारी दिएको छ ।
