-
-
-
-
स्याङ्जा । जिल्ला प्रहरी कार्यालय स्याङजाले फेदीखोला गाउँपालिकाबाट लागूऔषधसहित दुई जनालाई प्रहरीले पक्राउ गरेको छ ।
पक्राउपर्नेमा धादिङ गजुरी गाउँपालिका वडा नं. ९ घर भएका २६ वर्षीय राजन बराईलीसहित दुई जना रहेका छन् । पक्राउ पर्ने अर्को व्यक्ति नाबालक रहेको बताइन्छ ।
उनीहरुको साथबाट नाईट्राभेट ४० ट्याब्लेट, फेनारगन १८३ एम्पुल, डाईजेपाम १८६ एम्पुल र नुर्फिन १८५ एम्पुल बरामद भएको प्रहरीले जनाएको छ ।
वालिङबाट पोखरातर्फ आउँदै गरेको ग२ख १२२५ नम्बरको हाइस गाडी चेकजाँच गर्दा गाडीमा सवार उनीहरूलाई लागूऔषधसहित फेला पारी पक्राउ गरिएको प्रहरीले बताएको छ ।
घटनाको सम्बन्धमा थप अनुसन्धान गरिरहेको प्रहरीले जनाएको छ ।
