बालुवाटार जग्गा प्रकरणका मुख्य अभियुक्त ढकाललाई रिहा गर्न आदेश
हाम्रा कुरा
प्रकाशित २०७९ फागुन १७ बुधबार
1.2k
Shares
काठमाडौं । चर्चित बालुवाटार जग्गा प्रकरणका मुख्य अभियुक्त शोभाकान्त ढकाललाई सर्वोच्च अदालतले रिहा गर्न आदेश दिएको छ । दुई वर्ष जेल सजाय भोगेपछि सर्वोच्च अदालतले यस्तो आदेश दिएको हो ।
ललितानिवास मुद्दामा उनीमाथि २ वर्ष कैद सजाय माग गरिएकोमा २८ माघमै उनी पुर्पक्षका लागि जेल चलान भएको २ वर्ष पुगिसकेपछि थुनामुक्त गर्न आदेश दिएको छ ।
न्यायाधीशद्वय प्रकाशकुमार ढुंगाना र तीलप्रसाद श्रेष्ठको इजलासले बन्दीप्रत्क्षीकरणको रिटमा यस्तो आदेश दिएको हो ।
यस मुद्दामा थुनामा रहेका उनी एक मात्र अभियुक्त थिए । सो मुद्धामा अख्तियार दुरुपयोग अनुसन्धान आयोगका पूर्व आयुक्त दीप बस्न्यातलाई पनि सर्वोच्च अदालतले छाड्ने आदेश दिएको थियो ।
ढकाललाई २७ माघ २०७७ मा ललितानिवास जग्गा प्रकरणमा विशेष अदालतले उनलाई पुर्पक्षका लागि थुनामा पठाउने आदेश गरेको थियो ।
