युक्रेन समर्थक समूहले नोर्ड स्ट्रिम तोडफोड गरेको अमेरिकी गुप्तचर रिपोर्ट
हाम्रा कुरा
प्रकाशित २०७९ फागुन २४ बुधबार
489
Shares
काठमाडौं। गत वर्ष युरोपमा रुसबाट ग्यास आपूर्ति गर्ने पाइपलाइन नोर्ड स्ट्रिममा भएको आक्रमण युक्रेन समर्थक समूहद्वारा गरिएको रुस विरोधी कार्य भएको हुनसक्ने एक नयाँ रिपोर्टले जनाएको छ।
नोर्ड स्ट्रिम पाइपलाइन बाल्टिक सागर मुनि रूस देखि जर्मनी सम्म चल्छ। न्यूयोर्क टाइम्सको रिपोर्टले संयुक्त राज्य अमेरिकाका अधिकारीहरूले समीक्षा गरेको खुफिया जानकारीलाई उद्धृत गर्दै सो बिष्फोट कार्यमा रूसी वा युक्रेनी मूलका दुवै युक्रेन समर्थक नागरिकहरू समावेश भएको उल्लेख गरेको छ।
तर, गुप्तचर यस बिषयमा कुनै ठोस निष्कर्षमा पुग्न सकेका छैनन्। सो प्रतिवेदनले युक्रेनी राष्ट्रपति भोलोदिमिर जेलेन्स्कीलाई लगभग क्लिन चिट दिँदै गुप्तचर समीक्षाले नोर्ड स्ट्रिम हमलाका लागि जिम्मेवार अपराधीहरूले जेलेन्स्की वा उनका शीर्ष लेफ्टिनेन्टहरूको निर्देशनमा काम गरिरहेका थिए भन्ने कुनै प्रमाण फेला नपरेको जनाएको छ।
रुसले सेप्टेम्बर २०२२ मा नर्ड स्ट्रिम ग्यास पाइपलाइनमा भएको आक्रमणको लागि पश्चिमलाई दोष लगाएको छ। सो बिष्फोटले बाल्टिक सागरमा ठूलो मात्रामा ग्यास चुहावट निम्त्याएको थियो।
