-
-
-
-
पोखरा । जिल्ला प्रहरी कार्यालय कास्कीले लागूऔषधसहित एक युवकलाई पक्राउ गरेको छ ।
पक्राउ पर्नेमा पोखरा महानगरपालिका वडा नं. १३ का ३० वर्षका कृष्ण हमाल रहेका छन् ।
प्रहरीका अनुसार उनको कोठाबाट नर्फिन २०७ एम्पुल, डाइजेपाम २०७ एम्पुल र फेनेरागन २०७ एम्पुल गरि कुल ६२१ एम्पुल लागुऔषध बरामद भएको हो ।
कास्की प्रहरी र लागुऔषध नियन्त्रण व्यूरोको पोखरा शाखाबाट खटिएको टोलीले उनलाई पक्राउ गरेको हो ।
पक्राउ परेका हमालमाथि थप अनुसन्धान शुरु गरिएको प्रहरीले जनाएको छ ।
