-
-
-
-
काठमाडौं । जनता समाजवादी पार्टी (जसपा) ले आज बैठक डाकेको छ ।
आज बालकुमारीस्थित पार्टी कार्यालयमा दिउँसो १ बजे जसपा ले पार्टी कार्यकारिणी समितिको बैठक डाकेको हो ।
आगामी वैशाख १० गते हुने उपनिर्वाचन, मन्त्रिपरिषद्मा पार्टीको सहभागिता र विधान अधिवेशनको विषयमा छलफल गर्न बैठक बोलाइएको हो ।
जसपाले सरकारमा सहभागी हुने निर्णय गरिसकेको भए पनि कसलाई मन्त्री बनाउने र कति जना पठाउने लगायतका विषयमा पनि छलफल गरेको छैन ।
तीन वटा निर्वाचन क्षेत्रमा हुने उपनिर्वाचनमा पार्टीका तर्फबाट उम्मेदवारीलगायतका विषयमा छलफल हुने जनाइएको छ ।
उपनिर्वाचनका लागि चैत २० गते उम्मेदवारी दर्ता गराउने कार्यतालिका तय भएको छ ।
बारा क्षेत्र नं २ मा हुने उपनिर्वाचनमा जसपा अध्यक्ष उपेन्द्र यादवले उम्मेदवारी दिने लगभग तय भएको बताइएको छ ।
