-
-
-
-
पोखरा । जिल्ला प्रहरी कार्यालय कास्कीले बिहीबार लागूऔषधसहित चार जनालाई पक्राउ गरेको छ ।
वडा प्रहरी कार्यालय बैदामबाट खटिएको प्रहरी टोलीले पोखरा महानगरपालिका वडा नं. १७ स्थित तीनकुनेबाट उनीहरुलाई पक्राउ गरेको हो ।
पक्राउ पर्नेमा पोखरा-१७ तीनकुने बस्ने १९ वर्षीय अमनबहादुर सार्की, २५ वर्षीय सञ्जोग विक, २८ वर्षीय राजेन्द्र कुमार यादव र १९ वर्षीय लविन जिसी छन् ।
पक्राउ परेका अमनको डेराबाट नाइट्राभेट-१० नामक लागूऔषध ७५ चक्की ट्यावलेट, खैरो हिरोइन जस्तो धुलो ५१० मिलिग्राम बरामद भएको छ ।
उक्त लागूऔषध सञ्जोक विकले अमनलाई राख्न दिएको खुलेको प्रहरीले जनाएको छ ।
यस्तै, राजेन्द्रको साथबाट नाइट्राभेट-१० नामक लागूऔषध २८ चक्की ट्यावलेट र लविनको साथबाट १५ चक्की सोही ट्यावलेट बरामद भएको प्रहरीले जनाएको छ ।
पक्राउ परेका चार जनाविरुद्ध लागूऔषध मुद्धामा जिल्ला अदालतबाट म्याद थप गरेर अनुसन्धान प्रक्रिया अघि बढाइएको छ ।
