-
-
-
-
काठमाडौं । नेपाली कांग्रेसका नेता एवं सांसद प्रदीप पौडेलले मुलुकको हवाइ क्षेत्रमा देखिएका समस्या तत्काल समाधान गर्न सरकारसँग माग गरेका छन् ।
प्रतिनिधि सभा बैठकमा आइतबार बोल्दै उनले मुलुकको हवाइ क्षेत्रमा पछिल्ला दिनहरूमा गम्भीर समस्याहरू देखा परेको उल्लेख गर्दै त्यसको दिगो समाधान खोज्न सरकारसँग माग गरेका हुन् ।
कुनै जहाजको पाङ्ग्रा खुस्किने, टायर भाडामा लिनुपर्ने, उडान नियमित नभएर यात्रुहरू अलपत्र बन्ने स्थिति पछिल्लो समय देखा परेको उल्लेख गर्दै उनले समस्यालाई गम्भीरपूर्वक लिन पनि सरकारलाई सचेत गराए ।
