बस र मोटरसाइकल ठोक्किँदा तीन जनाको मृत्यु

हाम्रा कुरा

प्रकाशित २०८० वैशाख ६ बुधबार

महोत्तरी । महोत्तरीमा दुर्घटनामा परेर तीन जनाको मृत्यु भएको छ । बुधबार यात्रुबाहक बस र मोटरसाइकल एक आपसमा ठोक्किँदा मोटरसाइकलमा सवार तीन जनाको मृत्यु भएको हो ।

बा ३ ख २३९६ नम्बरको गाडीले मधेश प्रदेस–०१–००४–६८१९ नम्बरको मोटरसाइकललाई ठक्कर दिँदा एकै परिवारका बहिनी, भान्जी र मामाको मृत्यु भएको प्रहरीले जनाएको छ ।

गौशाला नगरपालिका–२ बस्ने अमित कुमार मण्डल, सिरहा कल्याणपुर विवाह गरेर गएकी मण्डलकी बहिनी अन्जु मण्डल र उनकी ४ वर्षीया छोरी अन्सु मण्डलको उपचारको क्रममा मृत्यु भएको हो ।