-
-
-
-
पाल्पा । पाल्पास्थित रानीमहलमा राष्ट्रिय स्तरको बिच भलिबल प्रतियोगिताको दोस्रो संस्करण आयोजना हुने भएको छ । उक्त प्रतियोगिता बैशाख २८ देखि ३० गतेसम्म हुने भएको छ ।
सञ्जय मेमोरियल फाउन्डेसनले प्रेस कन्फरेन्स आयोजना गरि रानीमहलमा खेलकुद र पर्यटन क्षेत्रलाई जोड्ने उद्धेश्यका साथ यो खेलको शुरुआत गरिएको बताइएको छ।
प्रतियोगितालाई राष्ट्रिय खेलकुद परिषद् र नेपाल भलिबल संघको स्विकृत तालिका अनुसार बैशाखको अन्तिम साता राष्ट्रिय स्तरको पुरुष बिच भलिबल प्रतियोगिता आयोजना हुन गइरहेको छ।
प्रतियोगितामा सात प्रदेश, तीन विभागिय र आयोजक गरि ११ टिमको सहभागीता रहनेछ भने लिग र नकआउटको आधारमा सञ्चालन हुने यस प्रतियोगितामा सहभागी टिमलाई विभिन्न समूहमा विभाजन गरेर खेलाइनेछ ।
