- सुन चाँदी दर
- विनिमय दर
- नेपाली पात्रो
- राशिफल
लन्डन । बेलायतका राजा चार्ल्स तृतीयको राज्याभिषेक भएको छ । लन्डनको वेस्टमिन्स्टर एबीमा विशेष समारोहकाबीच उनको राज्याभिषेक भएको हो ।
राज्याभिषेक समारोहमा बोल्दै उनले आफू राज गर्न नभइ सेवाका लागि आएको बताएका छन् । कार्यक्रम वेष्टमिन्स्टर चर्चमा भएको हो । उनले बाइबल चुमेर राज्याभिषेकसहित विभिन्न चरणमा शपथसमेत लिए ।
महारानी म्यामिला, राजपरिवारका सदस्इहरुसहित करिब दुई हजार दुई सयको संख्यामा विशेष अतिथिहरु रहेका थिए । सो क्रममा बेलायती प्रधानमन्त्री ऋषि सुनकले बाइबलको पाठ पढेका छन् ।
पाहुनाहरुमा विभिन्न देशका राजा तथा राजपरिवारका सदस्यहरु, विश्वभरका विभिन्न मुलुकका राजनेताहरु, राष्ट्रपति, प्रधानमन्त्रीसहित सरकारका प्रतिनिधिहरु सो समारोहमा सहभागी भएका हुन् ।
बेलायतमा ७० वर्षपछि राज्याभिषेक भएको हो । यसअघि सन् १९५३ मा महारानी एलिजाबेथको शिरमा राजमुकुट सजाइएको थियो । दुई किलो भन्दा बढी गह्रौं मुकुट ३६० वर्ष पुुरानो हो । त्यतिबेलै तयार गरिएको सुन, हीरा, मोती जडिट उक्त मुकुट ६ जनाले पहिरिइसकेका छन् ।
महारानी क्यामेलालाई पनि मुकुट लगादिइएको छ ।
बेलायतको इतिहासमै सबैभन्दा बढी शासन गरेकी महारानी एलिजाबेथ द्वितीयाको ९६ वर्षको उमेरमा गत सेप्टेम्बरमा निधन भएको थियो ।
महारानी एलिजाबेथको निधन भएपछि उनका ७३ वर्षीय छोरा चार्ल्स बेलायतको राजा बनेका हुन् । सो समारोहमा सहभागी हुन नेपालबाट परराष्ट्र मन्त्री एनपी साउद गएका छन् ।
तीन घण्टे कार्यक्रममा विभिन्न कला, संस्कृति र इतिहास झल्काउने प्रस्तुति भएको छ ।