आईपीएलमा आज दुई खेल, बेंगलोर र कोलकाता गर या मरको अवस्थामा

हाम्रा कुरा

प्रकाशित २०८० वैशाख ३१ आइतबार

काठमाडौं । भारतमा जारी इन्डियन प्रिमियर लिग (आईपीएल) टी–२० क्रिकेटमा आज दुई खेल हुँदैछन् । पहिलो खेलमा दिउँसो ३ः४५ बजे राजस्थान रोयल्सले रोयल च्यालेन्जर्स बेंगलोरसँग खेल्दैछ । यो खेल जयपुरमा हुँदैछ ।

यो खेलमा जित हासिल गर्दा बेंगलोरले प्लेअफको सम्भावना जीवित राख्नेछ भने पराजित हुँदा मुस्किलमा पर्नेछ । त्यसैले यो खेल गर या मरको अवस्थामा रहेको छ ।

दोस्रो खेलमा चेन्नई सुपर किंग्स र कोलकाता नाइट राइडर्स भिड्दै छन् । यो खेल बेलुकी ७ः४५ बजे चेन्नईमा शुरु हुँदैछ ।

यो खेल जित्दा चेन्नई प्लेअफमा पुग्ने पहिलो टिम बन्नेछ भने हार्दा कोलकाता प्लेअफ सम्भावनाबाट बाहिरिने छ ।

अंक तालिका
१२ खेलबाट १६ अंकसहित गुजरात टाइटान्स शीर्ष स्थानमा छ । १२ खेलबाट चेन्नई सुपर किंग्सको १५ अंक छ ।

१२ खेलबाट १४ अंकसहित मुम्बई इन्डियन्स तेस्रो स्थानमा छ । १२ खेलबाट १३ अंकसहित लखनउ सुपर जाइन्टस चौथो स्थानमा छ । १२ खेलबाट १२ अंकसहित राजस्थान रोयल्स पाँचौं स्थानमा छ । १२ खेलबाट १२ अंककै पञ्जाब किंग्स छैटौँ स्थानमा छ ।

रोयल च्यालेन्जर्स बेंगलोर, कोलकाता नाइट राइडर्स र पञ्जाब किंग्सको समान १० अंक छ ।

सनराइजर्स हैदराबाद र दिल्ली क्यापिटल्सको ८ अंक छ ।

१६ औं संस्करणसम्म आइपुग्दा मुम्बईले सबैभन्दा बढी ५ उपाधि जितेको छ । चेन्नई सुपर किंग्सले ४, कोलकाता नाइट राइडर्सले २ तथा सनराइजर्स हैदराबाद, डेक्कन चार्जर्स, राजस्थान रोयल्स र गुजरात टाइटान्सले १–१ उपाधि जितेका छन् ।