काठमाडौं । भारतमा जारी इन्डियन प्रिमियर लिग (आईपीएल) टी–२० क्रिकेटमा लखनउ सुपर जाइन्टस प्लेअफमा पुगेको छ । अन्तिम चरणको अन्तिम खेलमा कोलकाता नाइट राइडर्समाथि सनसनीपूर्ण जित हासिल गर्दै लखनउ प्लेअफमा पुगेको हो ।
इडेन गार्डेनमा भएको खेल लखनउले एक रनले जित्यो । पहिले ब्याटिङ गरेको लखनउले ८ विकेटको क्षतिमा १७६ रन बनायो ।
निकोलस पुरनले ३० बलमा ५८ रन जोडे । क्विन्टन डे ककले २८ रन बनाए । कोलकाताका सुनिल नाराइन, शार्दुल ठाकुर र वैभव अरोराले २–२ विकेट लिए ।
जवाफमा कोलकाताले ७ विकेटको क्षतिमा १७५ रनमात्र बनाएपछि एक रनको हार बेहोर्यो ।
रिंकु सिंहले ३३ बलमा अविजित रहँदै ६७ रन जोडे पनि टिमलाई जिताउन सकेनन् । त्यस्तै जासन रोयले ४५ रन बनाए ।
रवि बिस्नोई र याश ठाकुरले २–२ विकेट लिए ।
यो नतिजापछि लखनउ प्लेअफमा पुग्दा कोलकाता बाहिरिएको छ ।
अंक तालिका
१३ खेलबाट १८ अंकसहित गुजरात टाइटान्स शीर्ष स्थानमा छ । १४ खेलबाट १७ अंकसहित चेन्नई सुपर किंग्स दोस्रो स्थानमा छ ।
१४ खेलबाट १७ अंकसहित लखनउ सुपर जाइन्टस तेस्रो स्थानमा छ ।
१३ खेलबाट १४ अंकसहित रोयल च्यालेन्जर्स बेंगलोर चौथो स्थानमा छ । १४ खेलबाट १४ अंकसहित राजस्थान रोयल्स पाँचौं स्थानमा छ ।
१३ खेलबाट १४ अंकसहित मुम्बई इन्डियन्स छैटौँ स्थानमा छ ।
१४ खेलबाट १२ अंकको कोलकाता नाइट राइडर्स सातौं स्थानमा छ ।
१४ खेलबाट १२ अंकको पञ्जाब किंग्स आठौं स्थानमा छ ।
१४ खेलबाट दिल्ली क्यापिटल्सको १० अंक छ ।
१३ खेलबाट सनराइजर्स हैदराबादको ८ अंक छ ।
१६ औं संस्करणसम्म आइपुग्दा मुम्बईले सबैभन्दा बढी ५ उपाधि जितेको छ । चेन्नई सुपर किंग्सले ४, कोलकाता नाइट राइडर्सले २ तथा सनराइजर्स हैदराबाद, डेक्कन चार्जर्स, राजस्थान रोयल्स र गुजरात टाइटान्सले १–१ उपाधि जितेका छन् ।
