-
-
-
-
काठमाडौं । एनएससी–काभा अन्तर्राष्ट्रिय महिला भलिबल प्रतियोगिताको दोस्रो खेलमा नेपालले आज बंगलादेशसँग खेल्दैछ । राष्ट्रिय खेलकुद परिषद (राखेप) को कभर्डहलमा हुने यो खेल दिउँसो ३ बजे शुरु हुनेछ ।
नेपाल आज लगातार दोस्रो जित निकाल्ने योजनामा छ । पहिलो खेलमा नेपालले सोमबार कीर्गिस्तानलाई ३–० को सोझो सेटमा हराएको थियो ।
आजका अन्य खेलमा भारतले कीर्गिस्तानसँग, श्रीलंकाले काजकिस्तानसँग तथा उज्वेकिस्तानले माल्दिभ्ससँग खेल्दैछ ।
प्रतियोगितामा ८ टोलीको सहभागिता रहेको छ। समूह ए मा नेपालसहित भारत, बंगलादेश र कीर्गिस्तान छन् । समूह बी मा श्रीलंका, माल्दिभ्स, काजकिस्तान र उज्वेकिस्तान रहेका छन् ।
राउन्ड रोविन लिगपछि समूहका शीर्ष दुई टोली फाइनलमा पुग्नेछन् । पुछारमा रहेका दुई टोलीले वरीयताका लागि प्रतिस्पर्धा गर्नेछन् ।
