-
-
-
-
काठमाडौं । आज सङ्घीय संसद्का दुवै सदनको संयुक्त बैठक बस्ने भएको छ ।
सङ्घीय संसद्को संयुक्त सञ्चालन नियमावली मस्यौदा प्रतिवेदनमा छलफल गर्न आज अपराह्न ४ बजे संयुक्त बैठक बस्ने भएको हो ।
संयुक्त समिति नियमावली मस्यौदा समितिको प्रतिवेदन पेस गर्नका लागि बैठक बोलाइएको सभामुख देवराज घिमिरेले बताए । संघीय संसदको संयुक्त बैठक र संयुक्त समिति कार्य सञ्चालनको नियमावली मस्यौदाको संशोधन मस्यौदा समितिका प्रतिवेदन पेस गर्ने प्रयोजनको लागि संघीय संसदको संयुक्त बैठक आज बस्ने उनले बताए ।
प्रतिनिधिसभा बैठक भने आज बिहान ११ बजे बस्नेछ। बैठकमा सरकारले पेश गरेको आर्थिक वर्ष २०८०–८१ को नीति तथा कार्यक्रम माथिको छलफल जारी रहने बताइएको छ ।
