-
-
-
-
स्याङ्जा । स्याङ्जामा सवारी दुर्घटना हुँदा स्याङ्जाको गल्याङ नगरपालिका-५ का पूर्ववडाध्यक्ष एवं नेकपा माओवादी केन्द्रका नेता विष्णुबहादुर क्षेत्रीको मृत्यु भएको छ ।
कालीगण्डकी करिडोर निर्माणका क्रममा ट्र्याक्टरमा गिट्टी बालुवा लोड गर्नेक्रममा जेसिबीको स्टेप्लाइजरले च्यापिँदा क्षेत्री गम्भीर घाइते भएका थिए ।
उनको कालीगण्डकी अस्पताल मिर्मीमा उपचारका क्रममा मृत्यु भएको जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक रवीन्द्र खनालले जानकारी दिए ।
कालीगण्डकी करिडोरको सेतीबेनी-मिर्मी सडक खण्डअन्तर्गत गल्याङ-५ जोगिमारास्थित ठूलोखोलामा आज बिहान सो दुर्घटना भएको उनले जानकारी दिए ।
क्षेत्री २०७४ सालको स्थानीय तहको निर्वाचनमा गल्याङ-५ को वडाध्यक्षमा निर्वाचित भएका थिए ।
