प्रधानन्यायाधीशमा हरिकृष्णको नाम सर्वसम्मत, बीस दिन जागिरमा

हाम्रा कुरा

प्रकाशित २०८० असार १ शुक्रबार

काठमाडौँ । प्रधानन्यायाधीशमा हरिकृष्ण कार्कीको नाम सर्वसम्मत भएको छ । संसदीय सुनुवाइ समितिले शुक्रबार बिहान कार्कीलाई प्रधानन्यायाधीशमा सर्वसम्मतिले अनुमोदन गरेको हो ।

सुनुवाइ समितिको बैठकले कार्कीलाई सर्वसम्मतिले प्रधानन्यायाधीशमा अनुमोदन गरेको समिति सभापति पशुपति शमशेर जबराले बताए । संवैधानिक परिषदबाट प्रधानन्यायाधीशमा सिफारिस हरिकृष्ण कार्कीको नाम सर्वसम्मतिले स्वीकृत गरिएको उनले भने ।

समितिले बिहीबार र शुक्रबार प्रधानन्यायाधीशमा प्रस्तावित कार्कीसँग कार्ययोजना लिने र प्रश्नोत्तर गरेको थियो । संसदीय सुनुवाइ समितिमा कार्कीविरुद्ध बहालवाला जिल्ला न्यायाधीशसहितका २९ वटा उजुरी परेका थिए ।