-
-
-
-
काठमाडौँ । यही असार १४ गते काठमाडौँ उपत्यका स्तरीय भ्याली फुटसल च्याम्पियनशिपको आयोजना हुने भएको छ ।
राष्ट्रिय युवा संघ नेपालको आयोजनामा हुने यस प्रतियोगितमा काठमाडौँ, भक्तपुर र ललितपुर जिल्लास्थित स्थानीय तहका सबै २२४ वडाहरुका १६ देखि २४ वर्ष उमेर समूहका युवाहरुको विभिन्न फुटसल टिमहरुलाई सहभागी गराइनेछ ।
उपत्यकाका २१ वटै स्थानीय तहबाट असार १४ गते देखि २२ गते सम्ममा पालिका च्याम्पियनका लागि आ–आफ्नो पालिकामा वडा स्तरीय खेल खेलाइनेछ र पालिका च्याम्पियनहरुका बीचमा असार २३ गते भव्य समारोहकाबीच फाइनल खेल खेलाइने छ ।
यस प्रतियोगितामा वडा स्तरमा रहेका ३ हजार युवाहरुले प्रत्यक्ष प्रतिष्पर्धा गर्नेछन् भने हजारौँ युवाहरु यस प्रतियोगितामा परिचालित हुने आयोजकले जनाएको छ ।
भ्याली फुटसल च्याम्पियनशिप टिमलाई २ लाख नगद, उपविजेता टिमलाई १ लाख नगद, उत्कृष्ट खेलाडी १ जनालाई १० हजार नगद, उत्कृष्ट गोलरक्षक १० हजार, पालिका च्याम्पियन १० हजार नगद दिइने भएको छ ।
