कोशीमा पनि ढल्यो एमालेको सरकार, हिक्मतले पाएनन् विश्वासको मत, नयाँ सरकार गठनको तयारी

कोशीमा पनि ढल्यो एमालेको सरकार, हिक्मतले पाएनन् विश्वासको मत, नयाँ सरकार गठनको तयारी

हाम्रा कुरा

प्रकाशित २०८० असार १५ शुक्रबार

विराटनगर । कोशी प्रदेशमा पनि एमाले नेतृत्वको सरकार ढलेको छ । एमालेबाट मुख्यमन्त्री भएका हिक्मतकुमार कार्कीले कोशी प्रदेश सभामा विश्वासको मतसम्बन्धी राखेको प्रस्ताव फेल भएसँगै कार्की नेतृत्वको सरकार ढलेको हो ।

विश्वासको मतको प्रस्तावको पक्षमा ४६ मत र विपक्षमा ४३ मत खसेको छ । ९३ सदस्यीय कोशी सभामा बहुमतका लागि ४७ सांसद चाहिन्छ । बहुमत पूरा गर्न नसकेसँगै १७४ दिनपछि मुख्यमन्त्री कार्की बाहिरिएका छन् । आजको प्रदेश सभामा ८९ सांसद उपस्थित भएका हुन् ।

कार्कीको पक्षमा एमालेका ४० र राप्रपाका ६ प्रदेशसभा सदस्यले भोट हाले । विपक्षमा गठबन्धन दलमा रहेका कांग्रेसका २९, माओवादीका १२ र नेकपा एसका ४ प्रदेशसभा सदस्यले मत हालेका छन् । गठबन्धन घटकमा रहेको जसपाकी सांसद निर्मला लिम्बू भने बैठकमा उपस्थित भइनन् ।