-
-
-
-
काठमाडौँ । जिम्बाब्वेमा जारी आईसीसी विश्वकप छनोट क्रिकेट प्रतियोगिता अन्तर्गत प्लेअफ खेलमा नेपालले यूएईसँग प्रतिस्पर्धा गरिरहेको छ । सुपर सिक्समा पुग्न सफल नेपाल र यूएई प्लेअफको सेमिफाइनलमा भिडिरहेका हुन् ।
यो प्लेअफ सातौँ स्थानका लागि प्लेअफ सेमिफाइनल खेल हो । खेल हरारेस्थित ताकाशिंगा स्पोर्ट्स क्लबमा भइरहेको छ ।
यस खेलको विजेता टोलीले सातौँ स्थानको लागि आयरल्याण्डसँग फाइनल खेल्नेछ । पराजित टोलीले नवौँ स्थानको लागि अमेरिकासँग प्रतिस्पर्धा गर्नेछ ।
आयरल्याण्ड प्लेअफमा अमेरिकालाई ६ विकेटले हराउँदै सातौँ स्थानका लागि भएको खेलमा फाइनलमा पुगेको हो ।
नेपालले समूह चरणमा अमेरिकालाई पराजित गर्दा जिम्बाब्वे, वेष्ट इन्डिज र नेदरल्याण्ड्ससँग पराजय भोगेको थियो ।
