-
-
-
-
काठमाडौँ । शैक्षिक परामर्श (ईक्यान) को नयाँ नेतृत्वका लागि हुने निर्वाचनमा दुई प्यानल देखिएका छन् । शनिबार हुने निर्वाचनका लागि अध्यक्षमा मात्रै चार जना प्रतिस्पर्धी छन् । जसमा दुई प्यानलसँगै दुई स्वतन्त्र उम्मेदवारले नेतृत्वका लागि दाबेदारी दिएका छन् ।
जसमा अध्यक्षका लागि शेषराज भट्टराईले प्यानलसहित उम्मेदवारीको घोषणा गरेका छन् । भट्टराईको समूहबाट उपाध्यक्षमा गीता शिवाकोटी, दयाराम थापा, श्रीराम पौडेल रहेका छन् । यो समूहबाट महासचिव दिपकराज भुसाल दोहोरिएका छन् ।
त्यस्तै सचिवका लागि भावनाथ हुमागाई र रत्नबहादुर भट्टराई उम्मेदवार बनेका छन् । कोषाध्यक्षमा आशीष कार्की तथा सहकोषाध्यक्षमा विकल्पराज पौडेल छन् ।
सदस्यहरूमा सुवर्ण बस्नेत, उमा खड्का, विजयकुमार बस्नेत, रमेश लुइँटेल, हेमराज थापा र गोविन्द खनाल छन् ।
अध्यक्षका लागि पूर्वअध्यक्ष विष्णुहरि पाण्डेले पनि आफ्नो प्यानल घोषणा गरेका छन् ।
ईक्यानमा देशभरिका ६०० जना सदस्य रहेका छन् ।
