काँग्रेस लाईभले भित्र एउटा र बाहिर अर्को कुरा गर्ने प्रवृत्ति रोकिन्छ : प्रवक्ता
हाम्रा कुरा
प्रकाशित २०८० साउन ४ बिहिबार
227
Shares
काठमाडौं । काँग्रेस सभापति शेरबहादुर देउवाले केन्द्रीय समितिको बैठक लाईभ गरेपछि प्रवक्ता डा. प्रकाशशरण महतले राम्रो गरेको बताएका छन् ।
महतले काँग्रेस केन्द्रीय समितिको बैठक लाइभ हुनुले जनतामा भ्रम पैदा नहुने बताए । उनले पार्टी सभापति शेरबहादुर देउवाले बैठकको लाइभ गरेर जनतालाई यथार्थ कुरा बुझाउनुभएको बताए ।
उनले विगतमा भित्र एउटा र बाहिर अर्को हुने कुरालाई लाइभका कारण रोकिने विश्वास लिए। उनले लाइभ आइसकेपछि नेताहरूले पनि जिम्मेवारीपूर्वक आफ्ना धारणा राखिरहेको बताए ।
उनले भने, ‘लाइभले राम्रो गरेको छ । नत्र भित्र एउटा कुरा भएको छ, बाहिर अर्को कुरा बोल्दा पार्टी अप्ठ्यारोमा पर्ने गर्दथ्यो । यो लाइभले गर्दा यो भ्रम बाहिर पर्ने कुराको अन्त्य गरेको छ । ’
