-
-
-
-
काठमाडौँ । एक दिवसीय विश्वकप क्रिकेट छनोटबाटै बाहिरिएको दुईपटकको विश्वकप विजेता वेष्ट इन्डिजको अधोगति बढ्दै गएको छ ।
घरेलु मैदानमै वेष्ट इन्डिजले एक दिवसीयमा भारतसँग कमजोर प्रदर्शन गरेको छ । लगातार नवौँ पटक टेष्ट श्रृंखला गुमाएको वेष्ट इन्डिजले एक दिवसीयमा पनि खराब प्रदर्शन गरेको हो ।
ब्रिजटाउनमा बिहीबार राति भएको पहिलो खेलमा वेष्ट इन्डिज ५ विकेटले पराजित भयो ।
पहिले ब्याटिङ गरेको वेष्ट इन्डिजले २३ ओभरमा अलआउट हुँदै मात्र ११४ रन बनायो ।
कप्तान साइ होपले सर्वाधिक ४३ रन बनाएको इनिङ्समा केबल चार खेलाडीले ब्यक्तिगत दोहोरो स्कोर खडा गर्न सकेका थिए ।
कुलदीप यादवले ३ ओभरमा २ मेडन राख्दै ६ रन खर्चेर ४ विकेट लिए । त्यस्तै रविन्द्र जडेजाले ३ विकेट लिए ।
जवाफमा भारतले २२.५ ओभरमै ५ विकेट गुमाएर जित हासिल गर्यो । ओपनर इशान किशानले ५२ रन बनाए ।
योसँगै भारतले ३ खेलको श्रृंखलामा १–० को अग्रता लिएको छ ।
