-
-
-
-
काठमाडौं । नेकपा (माओवादी केन्द्र)ले केन्द्रीय समिति बैठकको प्रत्यक्ष प्रसारण नगर्ने भएको छ ।
आज बसेको स्थायी समिति बैठकले केन्द्रीय समिति बैठकको प्रत्यक्ष प्रसारण नगर्ने निर्णय गरेको माओवादीका प्रवक्ता कृष्णबहादुर महराले जानकारी दिएका छन् ।
केही दिनअघि पदाधिकारीको बैठकले बैठक प्रत्यक्ष प्रसारण गर्ने निर्णय गरेको भए पनि स्थायी कमिटीको बैठकले सो निर्णय उल्ट्याएको हो ।
महराले भने,' अस्ति पदाधिकारीको बैठकमा लाइभ गर्ने भन्ने थियो । स्थायी कमिटीमा नगर्ने भन्ने निर्णयमा पुग्यौँ । केन्द्रीय कमिटी निर्माणमा केही विधान विपरीत काम भएका छन् ।’
नेपाली कांग्रेसले केन्द्रीय कार्यसमिति बैठक लाइभ गरेपछि माओवादी पनि लाइभ गर्ने तयारी गरेको थियो ।
