-
-
-
-
काठमाडौँ । एनसेलबाट समेत हेलो सरकारमा निःशुल्क कल गरेर गुनासो टिपाउन सकिने भएको छ । सूचना निकाल्दै हेलो सरकारले उक्त कुराको जानकारी गराएको हो ।
यसअघि एनसेल नम्बरबाट कल गर्दा कल नै नलाग्ने समस्या पूर्ण रूपमा समाधान भएकोसमेत हेलो सरकारले जानकारी दिएको छ ।
अब नेपाल टेलिकम र एनसेल दुवै मोबाइल सेवा प्रदायकका प्रयोगकर्ताले हेलो सरकारको टोल फ्री नम्बर ११११ मा गुनासो सुनाउन सक्नेछन् ।
सरकारले नागरिकको गुनासो सुन्न चौबीसै घण्टा यो सेवा सञ्चालन गरिरहेको छ ।
त्यस्तै ट्वीटर, ह्वाट्सएप, भाइबर, ई–मेल लगायतका माध्यमबाट पनि गुनासो टिपाउन सकिने हेलो सरकारले जनाएको छ ।
