-
-
-
-
काठमाडौँ । राष्ट्रपति रामचन्द्र पौडेलले बोलाएको सवैदलीय बैठक नेकपा एमालेले बहिस्कार गरेको छ ।
समसमायिक राजनीतिक विषयमा छलफल गर्ने भन्दै बिहान बोलाएको बैठकमा प्रमुख प्रतिपक्ष दल नेकपा एमाले नगएको हो ।
नेकपा एमालेका उपाध्यक्ष सुवासचन्द्र नेम्वाङका अनुसार सरकारसँग छलफल चलिरहेको बेला राष्ट्रपति पौडेलले अनावश्यक हस्तक्षेप गर्दै बैठक बोलाएको बुझाईमा पार्टी रहेको छ ।
बैठकको वैधानिकता नहुने भएपछि एमाले शितल निवास नजाने भएको हो ।
राष्ट्रपति रामचन्द्र पौडेलले सुन प्रकरणको विषयमा चासो ब्यक्त गर्दै आज बिहान ८ बजे सो बैठक बोलाएका थिए । तर हिजो साँझ सो प्रकरणलाई लिएर सरकार उच्च स्तरीय छानबिन बनाउन सहमत भइसकेको छ ।
