विराटनगर । सुनसरीको धरानमा गौहत्याविरुद्ध शान्तिपूर्ण प्रदर्शन गर्न विभिन्न जिल्लाबाट जानेहरुलाई सुरक्षाकर्मीले ठाउँठाउँमा रोकेको छ ।
झापा, मोरङ, सुनसरी, सिराहा लगायतका विभिन्न जिल्लाहरुबाट ठूलो संख्यामा प्रदर्शनकारीहरु धरानतर्फ लागेको भए पनि विभिन्न ठाउँमा सुरक्षाकर्मीले रोकेको हो ।
धरानमा २४ घण्टे निषेधाज्ञा लगाएएका कारण इटहरीबाट निस्केको र्याली तरहराको पानीपियासम्म पुगेर धर्ना दिएको छ । त्यहाँभन्दा अगाडि बढ्न सुरक्षाकर्मीले दिएको छैन ।
हजारौँको संख्यामा सडकमा उत्रिएका हिन्दू धर्मावलम्बीहरुले र्यालीका क्रममा नेपालमा धर्म निरपेक्षता खारेजीको माग गर्दै पुनः हिन्दू राज्य हुनुपर्ने माग गरेका छन् ।
चौतर्फी बन्द भए पनि हजारौँको संख्यामा उत्साहपूर्वक हिन्दू्रधर्मीहरु र्यालीमा सहभागी भएका हुन् ।
त्यस्तै झापाको अर्जुनधाराबाट धरानका लागि हिडेको ॐकार समूहलाई पनि सुरक्षाकर्मील्े बिर्तामोडको चारपानेमा रोकेको छ ।
साम्प्रदायिक हिंसा भड्किने संभावना देखिएपछि सुनसरी जिल्ला प्रशासनले धरानमा जारी गरेको निषेधाज्ञाका कारण शुक्रबार मध्यरातदेखि शनिबार मध्यरातसम्म २४ घण्टा निषेधाज्ञा जारी गरेको छ ।
निषेधाज्ञा अवधिमा धरान प्रवेश गर्ने ५ नाकामा उच्च सुरक्षा सतर्कता बढाइएको जिल्ला प्रहरी कार्यालय सुनसरीका प्रहरी उपरीक्षक प्रभु ढकालले जानकारी दिएका छन् ।
योसँगै यी नाकामा ठूलो संख्यामा हिन्दूधर्मीहरु देखिएका छन् । (तस्बिर– रामकृष्ण उपाध्यायको फेसबुकवालबाट सौजन्य)
