-
-
-
-
काठमाडौँ । त्रिभुवन विश्वविद्यालय इन्जिनियरिङ अध्ययन संस्थान (आईओई) ले गरेको शुल्क वृद्धि फिर्ता गर्न माग गर्दै नेपाली कांग्रेसनिकट विद्यार्थी संगठन नेपाल विद्यार्थी संघ (नेवीसंघ) ले विरोध प्रदर्शन गरेको छ ।
मंगलबार आईओईका डिन शशिधरराम जोशीको कार्यकक्ष परिसरमा नेवीसंघले प्रदर्शन गरेको छ । उनीहरुले जोशीकोसमेत पुत्ला बनाएर विरोध जनाएका हुन् ।
जोशीको पुत्ला पुल्चोक क्याम्पसबाट बालुवाटारसम्म लैजाने तयारी भए पनि क्याम्पसबाहिर निस्कना साथ प्रहरीले प्रदर्शनकारीको हातबाट पुत्ला खोसेको थियो ।
त्यसपछि विद्यार्थीहरुले माइतीघर मण्डलामा प्रदर्शन गरे । आईओईले गरेको शुल्कवृद्धिको विरोधमा विद्यार्थीहरुले गत सातादेखि आन्दोलन गरिरहेका छन् ।
सो क्रममा आठ दिनदेखि आमरण अनशनमा बसेका सुलभ चापागाईंको स्वास्थ्य कमजोर बन्दै गएपछि गएराति वीर अस्पतालमा भर्ना गरिएको छ ।
