-
-
-
-
काठमाडौं । बलिउड अभिनेता शाहरुख खानको फिल्म ‘जवान’ सुपरहिट भएको छ ।
फिल्मले ९ दिनमा ४१० करोड भारतीय रुपैयाँ कमाएको छ ।
३ सय करोडको बजेटमा बनेको ‘जवान’ ले ९ दिनमा ४ सय करोडको कमाई गरेपछि शाहरुख सफलताको मजा लिइरहेका छन् ।
फिल्मको कथादेखि लिएर शाहरुख खानको एक्सनसम्म दर्शकले मन पराएका छन् ।
योसँगै ‘जवान’ पछि शाहरुख खान फिल्म ‘डन ३’ को सुटिङ हुने आकलन हुन थालेको छ ।
'जवान' को सफलतापछि गए राति फिल्म निर्माताहरूले एक भव्य पत्रकार सम्मेलन आयोजना गरेका थिए ।
जसमा शाहरुख नयाँ हेयरस्टाइलमा पुगेका थिए ।
उनको यो नयाँ लुक्सलाई लिएर ‘डन ३’ को सुटिङ हुने आकलन भएको हो ।
यस विषयमा शाहरुखले कुनै पनि प्रतिक्रिया दिएका छैनन् ।
