-
-
-
-
काठमाडौं । बलिउड अभिनेता अजय देवगनको फिल्म 'मैदान' रिलिजको तयारीमा छ ।
गत वर्ष उनले आफ्नो सुपरहिट फिल्म ‘दृश्यम २’ बाट हलचल मच्चाएका थिए ।
अहिले अभिनेता 'मैदान'का कारण चर्चामा छन् । यो चलचित्रलाई दर्शकले लामो समयदेखि प्रतीक्षा गरिरहेका छन् ।
तर यसको रिलिजमा ढिलाइ भइरहेको छ ।
अब बोनी कपूरले अजय देवगनको 'मैदान' को रिलिज चाडै हुने बताएका छन् ।
अजय देवगनको फिल्म 'मैदान' सन् १९५२ देखि १९६२ सम्मको भारतीय फुटबलको स्वर्ण युगमा आधारित खेलकुद फिल्म हो।
अजयले पौराणिक फुटबल प्रशिक्षक सैयद अब्दुल रहीमको भूमिका निभाएका छन् ।
जसको नेतृत्वमा भारतले १९५१ र १९६२ मा एसियाली खेलकुदमा स्वर्ण पदक जितेको थियो।
