-
-
-
-
काठमाडौं । बलिउड अभिनेत्री स्वरा भास्करले इजरेल र प्यालेस्टाइनबीच चलिरहेको युद्धमा प्यालेस्टाइनको समर्थन गरेकी छिन् ।
इजरेल र हमासबीच शनिबार बिहानैदेखि युद्ध जारी छ । युद्धमा अहिलेसम्म दुवै पक्षका करिब १२ सय जनाको मृत्यु भइसकेको छ ।
मृत्यु हुनेमा १० नेपालीसहित अमेरिकी इजरेली लगायत अन्य देशका नागरिक पनि छन् ।
सामाजिक सञ्जालमा अभिनेत्रीले युद्धको समर्थन गर्नेमाथि प्रहार पनि गरेकी छन् ।
उनले वर्षौँदेखि इजरेलले प्यालेस्टाइनमा हमला गरिरहेको जनाउँदै सो समय नबोल्नेहरू अहिले कराएको सुन्दा अचम्म लागेको बताएकी छन् ।
उनले प्यालेस्टाइनका जनता बालबालिका र किशोर किशोरीहरूलाई पनि नछोड्ने इजरेलले गाजामा झण्डै १० वर्षसम्म लगातार हमला र बमबारी गरिरहेको सम्झाएकी छन् ।
सो समय भएको आक्रमणमा नबोल्नेहरू अहिले इजरेलमाथिको हमलाप्रति शोक व्यक्त गरेको भन्दै उनले कपटीको संज्ञा दिएकी छन् ।
