-
-
-
-
काठमाडौं । बलिउड अभिनेता सनी देवल रणवीर कपूरको फिल्ममा अभिनय गर्ने भएका छन् ।
‘गदर २’ बाट बक्स अफिसमा हलचल मच्चाउने सनी देवलको नाम ‘रामायण’सँग जोडिएको हो ।
नितेश तिवारीको फिल्ममा रणवीर कपुर, साई पल्लवी र यशपछि सनी देवल पनि थपिएका छन् ।
भारतीय सञ्चारमाध्यमका अनुसार रणवीर कपूरको फिल्ममा सनी देवलको प्रवेश पक्का भएको मानिएको छ ।
रिपोर्टका अनुसार सनी देवल यस फिल्ममा भगवान् हनुमानको भूमिकामा देखिनेछन् ।
तर सनी देवलको प्रवेश बारे कुनै आधिकारिक जानकारी बाहिर आएको छैन।
यस फिल्ममा रणवीर कपूर ‘राम’को भूमिकामा देखिनेछन् भने साई पल्लवी सीताको भूमिकामा देखिनेछिन् ।
यी दुई बाहेक फिल्ममा साउथ अभिनेता यशको पनि प्रवेश पक्का भएको मानिएको छ ।
यशले रावणको भूमिका निभाउन लागेको दाबी गरिएको छ ।
हालै फिल्म ‘रामायण’ लाई लिएर रणवीर कपुरले रक्सी र मासु खान छोडेको बताएका थिए ।
