-
-
-
-
काठमाडौं । हलमा बलिउड अभिनेता शाहरुख खान र प्रभासको कडा भिडन्त हुने भएको छ ।
शाहरुख खान 'डंकी' र प्रभासको 'सालार'बीच कडा भिडन्त हुने भएको हो ।
शाहरुख खानको 'डंकी' र प्रभासको 'सालार' एकै दिन २२ डिसेम्बर सिनेमा घरमा रिलिज हुँदैछ ।
यी दुवै फिल्म सन् २०२३ को ठुलो बजेटका फिल्ममध्ये एक हुन् ।
यसैले पनि सन् २०२३ को अन्तिम दुई महिना बलिउड उद्योगमा निकै विशेष मानिएको छ ।
करियरबाट असफलता बेहोरेका प्रभासको लागि यो फिल्म करियर बचाउने कडिको रूपमा हेरिएका छ ।
बाहुबली अभिनेताको आदिपुरुष फ्लप भएसँगै 'सालार' ले उनको स्टारडमलाई थेग्ने बताइएको छ ।
शाहरुख भने यसै वर्ष 'पठान' र 'जवान'को सफलता पछि तेस्रो फिल्म रिलिजको पर्खाइमा छन् ।
'डंकी' ले ‘पठान’ र ‘जवान’ दुवैको रेकर्ड तोड्ने बताइदै आएको छ ।
यस्तो अवस्थामा दुवै स्टारका फ्यानबीच सामाजिक सञ्जालमा चर्को बहस चलिरहेको छ ।
यो अवस्थालाई मध्यनजर गर्दै शाहरुख खानले फिल्मको रिलिज मिति परिवर्तन गर्न सक्ने पनि बताइएको छ ।
