-
-
-
-
काठमाडौं । यसै बर्षको डिसेम्बरमा किंग खान र बाहुबली अभिनेताको भिडन्त हुने पक्का भएको छ ।
बलिउडका किंग खान शाहरुख र बाहुबली प्रभासबीच कडा टक्कर हुने पक्का भएको हो ।
‘पठान’ र ‘जवान’ फिल्मबाट बक्स अफिसमा हलचल मच्चाएपछि यसैबर्ष ह्याट्रिक गर्ने दाउमा रहेका शाहरुख फिल्म ‘डंकी’ लिएर ठूलो पर्दामा आउन लागेका छन् ।
सो फिल्म प्रभासको फिल्म ‘सलार’सँगको प्रतिस्पर्धा गर्ने भएको छ । यी दुबै बक्स अफिसमा भिड्दै छन् ।
शाहरुख खानको ‘डिंकी’ प्रभासको ‘सलार’ सँगै ठूलो पर्दामा २२ डिसेम्बरमा रिलिज हुने तय भएको पनि शाहरुखले फिल्म एक दिन अघि २१ डिसेम्बरमा सारेका छन् ।
हालै सार्वजनिक भएको फिल्मको रिलिज मितिले लुक्सभन्दा पनि धेरै मानिसको ध्यान आकर्षित गरेको छ ।
यो भाइरल पोस्टरमा फिल्मको रिलिज डेट २२ डिसेम्बरको सट्टा २१ डिसेम्बर लेखिएको छ ।
यी दुवै फिल्म सन् २०२३ को ठुलो बजेटका फिल्ममध्ये एक हुन् ।
यसैले पनि सन् २०२३ को अन्तिम दुई महिना बलिउड उद्योगमा निकै विशेष मानिएको छ ।
करियरबाट असफलता बेहोरेका प्रभासको लागि यो फिल्म करियर बचाउने कडिको रूपमा हेरिएका छ ।
बाहुबली अभिनेताको आदिपुरुष फ्लप भएसँगै 'सालार' ले उनको स्टारडमलाई थेग्ने बताइएको छ ।
शाहरुख भने यसै वर्ष 'पठान' र 'जवान'को सफलता पछि ह्याट्रिक गर्दै छन् ।
'डंकी' ले ‘पठान’ र ‘जवान’ दुवैको रेकर्ड तोड्ने बताइँदै आएको छ ।
