एसीसी यू–१९ फाइनलः वर्षाले प्रभावित भएपछि नेपालले दिएको १९८ रनको नयाँ चुनौती पछ्याउँदै यूएई

हाम्रा कुरा

प्रकाशित २०८० कार्तिक ७ मंगलबार

काठमाडौँ । एसीसी यू–१९ प्रिमियर कप क्रिकेटको उपाधिका लागि अहिले नेपाल र यूएई भिडिरहेका छन् । मलेसियाको क्वालालाम्पुरमा भइरहेको फाइनल जितका लागि नेपालले यूएईलाई २८१ रनको चुनौती दिएको भए पनि वर्षाले प्रभावित भएपछि नयाँ चुनौती पाएको छ ।

यूएईले ११ ओभर खेल्दै २ विकेटको क्षतिमा ५० रन बनाएपछि वर्षा भएको थियो । तर वर्षा रोकिएपछि ओभर घटाउँदै अब १९८ रनको नयाँ चुनौती पाएको छ ।

यसअघि खेलमा टस जितेर पहिलो ब्याटिङ गरेको नेपालले निर्धारित ५० ओभरमा ८ विकेट गुमाएर २८० रन बनायो । कप्तान देव खनालले कप्तानी इनिङ्स खेल्ने क्रममा शतक बनाए ।