-
-
-
-
काठमाडौं । बलिउडका चर्चित निर्देशक रोहित शेट्टीले फिल्म ‘सिंघम ३’ को सुटिङ सेटको दृश्य सार्वजनिक गरेका छन् ।
रोहित अहिले आफ्नो आगामी फिल्म ‘सिंघम ३’ को सुटिङमा व्यस्त छन् ।
रोहितले बिहीबार आफ्नो इन्स्टाग्राम एकाउन्टमा फिल्म ‘सिंघम ३’ को सुटिङका दुई तस्बिर सेयर गरेका हुन् ।
यी तस्बिरहरूमा कार र ट्रकमा आगो लागेको देख्न सकिन्छ।
फिल्मको सुटिङका तस्बिरसँगै उनले ‘सिङ्घम अगेन’ ह्यासट्यागमा ‘वर्क इन प्रोग्रेस...’ लेखेका छन् ।
फिल्म ‘सिंघम ३’ बाट दीपिका पादुकोण र टाइगर श्राफको लुक सार्वजनिक भएपछि यो तस्बिर बाहिरिएको हो ।
यो फ्रेन्चाइज फिल्मको पहिलो र दोस्रो भाग जस्तै तेस्रो भागमा पनि अजय देवगन मुख्य भूमिकामा छन् ।
चलचित्र ‘सिंघम ३’ को रिलिजको प्रतीक्षामा फ्यानहरू आतुर छन् ।
