-
-
-
-
काभ्रेपलाञ्चोका । काभ्रेपलाञ्चोकको पनौती नगरपालिका २ सिलाभन्ज्याङस्थित कुशादेवीबाट नयाँगाँउतर्फ जाँदै गरेको निशान गाडी दुर्घटना हुँदा दुई जनाको मृत्यु भएको छ भने एक जना गम्भीर घाइते भएका छन् ।
बा ४ ख६७२३ नम्बरको पराल लोड गरिएको निसान गाडी ब्रेक फेल भई सडकबाट करिब ६०० मिटर तल खस्दा निसानमा सवार ३ जना घाइते भइ उपचारको लागि सिरमेमोरियल अस्पताल पठाएकामा दुई जनाको उपचारका क्रममा मृत्यु भएको हो ।
मृत्यु हुनेमा काभ्रे कुशादेवीका ४० वर्षीय चालक रबिन आचार्य र बेथानचोक २ का ५० वर्षीय शिबबिक्रम केसीको मृत्यु भएको हो ।
बेथानचोक गाउँपालिका २ की ४५ वर्षीया शारदा तिमल्सिना गम्भीर घाइते भएकी छिन् । उनको टाउको, घाँटी र दुवै हात खुट्टामा गम्भीर चोट लागेको छ ।
