-
-
-
-
काभ्रेपलाञ्चोक । काभ्रेपलाञ्चोक जिल्लाको रोशी गाउँपालिका ८ चार समयबेसीस्थित बीपी राजमार्गमा कार दुर्घटना भएको छ ।
दिउसो १२ः १५ मिनेटको समयमा बीआरओ६डीई४३११ नं को महोत्तरीबाट काठमाडौँ जाँदै गरेको कार आफैँ अनियन्त्रित रोशी खोलामा कारमा सवार ४ जना घाइते भएका छन् ।
घाइतेहरुलाई उपचारको लागि नार्के मेडिकल पठाएकोमा थप उपचारको लागि धुलिखेल अस्पताल पठाइएको छ । घाइतेहरुमा महोत्तरी जिल्ला गौशाला नगरपालिका ५ बस्ने २३ वर्षीय धिरेन चौधरीलाई शरीरको विभिन्न भागमा चोट लागेको छ।
त्यस्तै २० वर्षीया खुस्बु चौधरीको हातमा चोट लागेको छ । १९ वर्षीया प्रमिका चौधरीको शरीरको विभिन्न भागमा चोट लागेको छ र १९ वर्षीया अंजली चौधरीको पनि शरीरको विभिन्न भागमा चोट लागेको छ ।
घाइतेहरुको अवस्था सामान्य रहेको प्रहरीले जनाएको छ । कार भने पूर्ण रुपमा क्षति भएको जनाइएको छ ।
