पीडा आकाशलाई छानो बनाएर रात गुजार्नुपर्दाको [फोटोफिचर]
हाम्रा कुरा
प्रकाशित २०८० कार्तिक २० सोमबार
999
Shares
जाजरकोट । जाजरकोटमा शुक्रबार राति गएको भूकम्पले ९ सय ३७ घर पूर्णरुपमा क्षतिग्रस्त भएका छन् । गृह मन्त्रालयको विपद् पूर्वतयारी तथा प्रतिकार्य शाखाका अनुसार पूर्णरुपमा क्षतिग्रस्त घरमध्ये ९०७ वटा जाजरकोटका हुन् ।
अहिलेसम्म भूकम्पमा परी जाजरकोटमा १०५ जनाको मृत्यु भएको छ भने रुकुम पश्चिममा भूकम्पमा परी ५२ जनाको मृत्यु भएको छ ।
जाजरकोट सदरमुकाम खलंगामा भुकम्प पीडितहरु अहिले खुला आकाशमुनि बस्न बाध्य भएका छन् । शुक्रबार रातिदेखि नै जाजरकोटका नागरिकले खुला आकाशमुनि रात बिताउँदै आएका छन् ।
प्रभावित क्षेत्रका अधिकांश घरमा क्षति पुगेको छ। कतिपय घर ढलेका छन् त कतिमा चिरा–चिरा परेको छ। पटक–पटक गइरहेको परकम्पले पनि मानिसहरु घरभित्रै बस्न सकेका छैनन्।
राहतका सामान आउने क्रम जारी छ र केही ठाउँमा राहतको त्रिपाल पुगे पनि अधिकांश ठाउँमा पीडितहरु खुला आकाशलाई छानो बनाएर मुनि बिना त्रिपाल र कति ठाउँमा आगोको भरमा रात बिताउन बाध्य भएका छन् ।
