-
-
-
-
स्याङ्जा । जिल्ला प्रहरी कार्यालय स्याङ्जाले लागूऔषध मुद्धामा फरार रहेको एक जनालाई पक्राउ गरेको छ ।
पक्राउ पर्नेमा फेदीखोला गाउँपालिका वडा नं. २ उपल्लो कुँडुले बस्ने बर्ष ४४ का रेशम थापा मगर रहेका छन् ।
स्याङ्जा प्रहरी प्रवक्ता एवं प्रहरी नायव उपरीक्षक (डिएसपी) ईन्द्रबहादुर रानाका अनुसार लागूऔषध (ब्राउन सुगर) हिरोईन मुद्धामा जिल्ला अदालतले २०७६ असार ३१ गते थापा मगर विरुद्ध पाँच बर्ष कैद र रु. १० हजार जरिवाना गर्ने फैसला गरेको थियो ।
सोही फैसलापछि फरार रहेका थापा मगरलाई आज फेदीखोलाबाट पक्राउ गरेको डिएसपी रानाले जानकारी दिए ।
पक्राउ परेका थापा मगरलाई अदालतमा पेश गरि कैद भुक्तानका लागि कारागार पठाइएको प्रहरीले जनाएको छ ।
