-
-
-
-
काठमाडौँ । नेपाली कांग्रेसको पदाधिकारी बैठक आज बस्दैछ । सभापति शेरबहादुर देउवाले दिउँसो १ बजे आफ्नै निवास धुम्बाराहीमा पदाधिकारी तथा पूर्वपदाधिकारीको बैठक बोलाएका हुन् ।
बैठकमा महासमिति बैठकको तयारीका विषयमा छलफल हुनेछ । महासमिति बैठक पुस १६ देखि १९ गतेसम्म बस्ने गरी तय भएको छ । यसअघि दुई पटकसम्म बैठकको समय सारिएको थियो ।
यसपालि गोदावरीको सनराइज सम्मेलन केन्द्रमा बस्नेछ । पार्टी कार्यालयका सचिव प्रकाश शर्माका अनुसार २३ सयको हाराहारीमा महासमिति सदस्यहरु सहभागी हुँदैछन् ।
आजको बैठकमा सरकारका कामको समीक्षा पनि बुझिएको छ । साथै जाजरकोट र रुकुम पश्चिमको भूकम्पमा कांग्रेसले गरेको योगदान र थप गर्नुपर्ने विषयसहित समसामयिक विषयमा छलफल हुने भएको छ ।
