बंगलादेशसँगको पहिलो टेष्टमा न्यूजिल्याण्डलाई सात रनको अग्रता
हाम्रा कुरा
प्रकाशित २०८० मंसिर १४ बिहिबार
426
Shares
काठमाडौँ । बंगलादेश विरुद्धको पहिलो टेष्ट क्रिकेटको पहिलो इनिङ्समा न्यूजिल्याण्डले सात रनको अग्रता लिएको छ ।
सिलेटमा मंगलबारदेखि शुरु भएको टेष्टमा घरेलु बंगलादेशले पहिले ब्याटिङ गर्दै ३१० रन बनायो । महमुद हसन जोएले ८६ रन बनाएको इनिङ्समा कप्तान नजमुल हुसेन शान्टो र मोमिनुल हकले समान ३७ रन बनाए ।
ग्लेन फिलिप्सले ४ तथा कायल जमाइसन र अजाज पटेलले समान २ विकेट लिए ।
जवाफमा न्यूजिल्याण्डले ३१७ रन बनायो । केन विलियमसनले सर्वाधिक १०४ रन बनाए । ग्लेन फिलिप्सले ४२ तथा ड्यारिल मिचेलले ४१ रन बनाए । बंगलादेशका तैजुल इस्लामले ४ तथा मोमिनुल हकले ३ विकेट लिए ।
जवाफमा बंगलादेशले तेस्रो दिनको पहिलो सत्रमै दोस्रो इनिङ्स शुरु गरिसकेको छ ।
भारतमा सम्पन्न एक दिवसीय विश्वकपको सेमिफाइनलसम्म पुगेको न्यूजिल्याण्ड विश्वकपपछि सिधै बंगलादेश गएको हो ।
