-
-
-
-
काभ्रेपलान्चोक । बीपी राजमार्ग अन्तर्गत रोशी गाउँपालिका ११ डालावेशीमा भएको दुर्घटनामा परी एक जनाको मृत्यु भएको छ । बिहान १० बजे काठमाडौँबाट सिन्धुलीतर्फ जाँदै गरेको बाप्र ०२–०२४ प ४०९२ नं को मोटरसाइकल आफैँ अनियन्त्रित भई पल्टिएको थियो ।
सोही दिशाबाट आउँदै गरेको बा ४ ख ७५१८ नं को बसले ब्रेक लगाउने क्रममा बसको पछाडिको भागको बाँया साइडको चक्काले मोटरसाइकललाई ठक्कर दिँदा मोटरसाइकल पछाडि बसेकी काठमाडौँ महानगरपालिका ११ की ६१ वर्षीया विन्दा गिरी घाइते भएकी थिइन् ।
उनको धुलिखेल अस्पतालमा उपचारको क्रममा मृत्यु भएको जिल्ला प्रहरी कार्यालय काभ्रेले जनाएको छ ।
दुर्घटनामा परी विन्दाका श्रीमान् मोटरसाइकल चालक ६१ वर्षका ज्ञानराज गिरी घाइते भएका छन् ।
उनको दाहिने हात र खुट्टामा चोट लागेको छ । उनको धुलिखेल अस्पतालमा उपचार भइरहेको प्रहरीले जनाएको छ ।
