-
-
-
-
काठमाडौँ । नेपाली राष्ट्रिय फुटबल टिमका पूर्व प्रशिक्षक भीम थापाको निधन भएको छ । कुलेश्वरस्थित निजी निवासमा बिहीबार लडेपछि तत्कालै मेडिसिटी अस्पताल पुर्याइएका थापालाई अस्पतालले मृत घोषणा गरेको थियो ।
उनले सन् १९७१ मा जापानमा भएको यू–१९ एसियन च्याम्पियनशिपमा नेपाली टिमको प्रतिनिधित्व गरेका थिए । फुटबल करियरपछि प्रशिक्षण थालेका उनले
रुक्मशमशेर राणा नेतृत्वको कार्यकालमा सहायक–महासचिव रहेर अखिल नेपाल फुटबल संघ एन्फामा प्राविधिक निर्देशकको रूपमासमेत काम गरेका थिए ।
७५ वर्षको उमेरमा मृत्युवरण गरेका थापाको आजै बेलुका पशुपति आर्यघाटमा दाहसंस्कार गरिने भएको छ । त्यसअघि उनको पार्थिव शरीर एन्फामा राखिने छ ।
