बंगलादेश न्यूजिल्याण्ड टेष्टमा बलर हावी, पहिलो दिन १५ विकेट

हाम्रा कुरा

प्रकाशित २०८० मंसिर २० बुधबार

काठमाडौँ । बंगलादेश र न्यूजिल्याण्ड बीचको दोस्रो टेष्ट क्रिकेटमा बलरहरु हावी भएका छन् । मिरपुरमा बुधबारदेखि शुरु भएको टेष्टमा पहिलो दिनमै १५ विकेट ढलेको छ ।

खेलमा बंगलादेशले पहिले ब्याटिङ गर्दै ६६.२ ओभरमात्र खेलेर १७२ रनमा अलआउट भयो । मुश्फिकर रहिमले सर्वाधिक ३५ रन बनाएको इनिङ्सलाई ध्वस्त पार्ने क्रममा मिचेल सान्टनर र ग्लेन फिलिप्सले समान ३–३ विकेट लिए ।

जवाफमा न्यूजिल्याण्डले पनि कमजोर ब्याटिङ गरेको छ । खराब प्रकाशका कारण पहिलो दिनको खेल सकिँदा न्यूजिल्याण्डले १२.४ ओभरमा ५५ रन बनाउँदा ५ विकेट गुमाइसकेको छ । केन विलियमसनले सर्वाधिक १३ रन बनाएर आउट भए । ड्यारिल मिचेल १२ रनमा अविजित छन् ।