-
-
-
-
पोखरा । जिल्ला प्रहरी कार्यालय कास्कीले लागूऔषध गाँजासहित दुई जनालाई पक्राउ गरेको छ ।
पोखरा महानगरपालिका वडा नं. ४ कोइराला मार्गबाट उनीहरुलाई पक्राउ गरिएको प्रहरीले जनाएको छ ।
सूचनाको आधारमा वडा प्रहरी कार्यालय बगर र रामबजारबाट खटिएको प्रहरी टोलीले उनीहरुलाई पक्राउ गरेको हो ।
पक्राउ पर्नेमा सर्लाही घर भइ हाल कोइरालामार्ग बस्ने ३५ वर्षका बिरु परियार र पर्वतको जलजला ९ का २६ वर्षका विनोद पुन रहेका छन् ।
उनीहरुको साथबाट १४ सय ८० ग्राम लागूऔषध गाँजा बरामद गरिइएको प्रहरीले जनाएको छ ।
उनीहरुविरुद्ध लागूऔषधसम्बन्धी मुद्धामा जिल्ला अदालतबाट म्याद लिएर अनुसन्धान प्रक्रिया अघि बढाइएको बताइएको छ ।
