-
-
-
-
काठमाडौँ । जारी एक दिवसीय क्रिकेट श्रृंखलाको दोस्रो खेलमा इङ्गल्याण्डले वेष्ट इन्डिजलाई पराजित गरको छ । बिहान सम्पन्न खेलामा इङ्गल्याण्डले ६ विकेटको जित हासिल गरेको हो ।
नर्थसाउन्डमा पहिले ब्याटिङ गरेको वेष्ट इन्डिजले ३९.४ ओभरमा अलआउट हुँदै २०२ रन बनायो । कप्तान शाइ होपले ६८ तथा शेरफाने रुदरफोर्डले ६३ रन बनाएको इनिङ्समा साम कुरान र लियान लिभिङस्टोनले ३–३ विकेट लिए ।
जवाफमा इङ्गल्याण्डले ३२.५ ओभरमै ४ विकेटको क्षतिमा जित हासिल गर्यो । विल ज्याक्सले ७३ तथा कप्तान जोस बट्लरले ४५ बलमा अविजित रहँदै ५८ रन बनाए ।
जितसँगै तीन खेलको श्रृंखलामा १–१ को बराबरी भएको छ । पहिलो खेल वेष्ट इन्डिजले जितेको थियो ।
तेस्रो तथा निर्णायक खेल शनिबार हुनेछ ।
